Aung San Suu Kyi

Og baráttan fyrir lýðræði í Búrma

eftir Jakob F. Ásgeirsson

Bókin kom út 2009, ég eignaðist hana síðar og las hana 2012.

Hún segir sögu Aung San Suu Kyi og baráttu hennar fyrir lýðræði í Burma eftir að herforingastjórn rænir völdum þar. Hún er sett í stofufangelsi heima hjá sér og við fylgjumst með lífi hennar. Hér segir stuttlega frá henni og Burma eins og fram kemur í bókinni.

Aung San Suu Kyi

Aung San fæddist í Rangoon 19.6.1945, dóttir Aung San hershöfðingja og frelsishetju. Hún hefur nám í stjórnmálafræði við háskólann í Nýju-Delhi 1962, flytur síðan til Englands og lýkur BA prófi í PPE (heimspeki, stjórnmálafræði og hagfræði) frá Oxford 1967. Hún giftist Michael Aris 1.1.1972 og búa þau í Englandi, eignast 2 syni Alexander og Kim. Í mars 1988 flýgur hún til Rangoon til að annast veika móður sína og sest að á University avenue 54. Í september er Lýðræðishreyfingin stofnuð og verður hún leiðtogi hennar og eftir mikla fundaherferð er hún sett í stofufangelsi 1989. Suu fær friðarverðlaun Nóbels 1991 og gefur út ritgerðina Frelsi frá ótta.

Burma

Burma (Myanmar) er í suðaustur-Asíu við Bengal flóa og á landamæri við Indland, Kína, Bangladesh, Laos og Tailand. Íbúar eru rúmlega 55 milljónir og um 60% lifa af landbúnaði. Gullni þríhyrningurinn er á landamærum þess, Laos og Tailands.

Burma öðlaðist sjálfstæði 4.1.1948. En 1962 rænir hershöfðinginn Ne Win völdum og tveim árum síðar bannar stjórnmálaflokka nema sínn eigin, Flokk hinnar sósíalísku áætlunar í Burma. Þann 8.8.1988 lætur herforingjastjórnin til skarar skríða gegn mótmælendum og murkar úr þeim lífið. Suu birtir opið bréf og krefst frjálsra kosninga. Herlög eru sett í landinu og nýtt herráð tekur við völdum SLORC. Kosningar fara síðan fram 27.5.1990 og Lýðræðishreyfingin vinnur 82% þingsæta en SLORC neitar að viðurkenna úrslitin.