Gönguplan 2018

Finnst ég hafa verið frekar slappur þetta ár, en þegar upp er staðið þá er þetta bara allt í lagi.

Gekk á 14 fjöll og fell, frá 123m upp í 657m, eða rúmlega 4.000m samtals. Sem sagt mörg og lítil. Náði fyrstu alvöru fjallgöngunni erlendis.

Ég tók þátt í Lífshlaupinu og gekk 11 daga af 21, og náði 815 mín. sem gefa tæpar 40 mín á dag þessa 21 daga, sem er lélegasti árangur frá upphafi. Verð að gera betur næst. Fór nokkrar hjólaferðir en þær eru allt of fáar. Náði þó að hreyfa mig eitthvað smávegis í næstum hverri viku með styttri gönguferðum.

Sjá má ákveðna breytingu á þessu ári. Það er, fleiri lengri göngur um hóla og hæðir, án þess að teljast fjallganga, og göngur að skoða fossa.

Það er breyting sem mun aukast á nýju ári því ætlunin er að bæta við fleiri göngum inn dali og gil til að finna hina og þessa fossa. Ætla samt líka að hafa fjallgöngur með.

Það eru nokkrir dalir í Hvalfirði og Borgarfirði sem ég mun kanna, þá eru nokkrir fossar á Ströndum sem þarf að skoða áður en þeir verða virkjaðir. Einnig eru nokkrir dalir á Austfjörðum og svo er alltaf eitthvað inn á hálendi.

Árangur

· sunnud 22.12 - Lágafell (123m) Mosó

Gengið niður Skeiðholt að Varmá og yfir að Álafoss. Gengið gegnum skóginn að Reykjalundi og síðan með Reykjavegi að hestaslóða upp á Skarhólamýri að Lágafelli. Gengið eftir Svartaklett og þvert yfir Lágafell niður að kirkjunni og með fellinu niður að Olís og heim. Tók gangan tæpa 2 tíma í góðu en svölu veðri. Sjá myndir undir Photos

· sunnud 11.11 - Hulduhóll (208m)

Keyrt inn Seljadal, lagt við grjótnám skammt frá hliði. Gengið gegnum grjótnámið, og á Kambhól, siðan inn Seljadal og inn að Nesseli. Gengið þaðan upp hlíðina og yfir girðingu áleiðis að Bjarnarvatni, beygt síðan þvert niður milli Hulduhóls og Stórhóls að bílnum. Tók gangan um 2,5 tíma í góðu veðri en frekar blaut jörð, sérstaklega í Nesseli. Sjá myndir undir Photos

· laugard 27.10 - ganga

Gengið út Bogatanga, fram hjá Lágafellsskóla og niður að fjöru. Gengið með fjörunni yifr brú á Korpu yfir í Grafarvog. Gengið þar með fjörunni að Hlöðunni Grafarvogi. Tók gangan um 1,5 tíma og voru um 10 km í góðu veðri. Sjá myndir undir Photos

· sunnud 30.9 - Æsustaðafjall (220m) og Reykjafell (273m)

Keyrt inn í Mosfellsdal og inn með Helgafelli í Skammaskarð og lagt þar. Gengið spölkorn upp veginn og farið síðan slóða upp á Æsustaðafjall. Gengið eftir þveru fjallinu og yfir Vetrarmýri yfir að Einbúa á Reykjafelli. Síðan þvert yfir Reykjafellið og niður í Skammadal og eftir honum til baka að bílnum. Tók gangan tæpa 3 tíma og var líklega um 9 km, í góðu veðri. Sjá myndir undir Photos

· miðvikud 19.9 - Skammidalur

Gengið niður Skeiðholt að Varmá og Álafoss inn að Reykjalundi. Þar hófst ganga á vegum FÍ um Skammadal. Gengið var frá Reykjalundi inn Skammadal og upp að Helgafelli, með því til baka niður að álfhól og að Reykjalundi aftur. Gekk ég síðan að Álafossi og gegnum Kjarna heim. Tók gangan tæpa 2 tíma í góðu veðri.

· sunnud 16.9 - Reykjaborg (252m)

Sunnudagsganga á Reykjaborg á Degi íslenskrar náttúru. Lagt af stað frá Syðri-Reykjum. Gengið sem leið lá eftir götunni og inn Húsadal og beygt síðan inn að Reykjaborg og á topp þess. Farið síðan vestur fyrir Reykjaborg og niður fyrir í nestispásu. Haldið síðan áfram niður um Borgardal og síðan hestaslóða að bílastæði aftur. Tók gangan rúma 2 tíma og voru rúmir 8 km í góðu veðri og góðum félagsskap. Sjá myndir undir Photos

· þriðjudag 4.9 - Hjólatúr

Hjólað niður Skeiðholt og að Varmá, upp að Helgafelli, með því og inn með fjallinu inn að Helgudal. Hjólað yfir göngubrú á Suðurá og út Helgadal að Laxnesi, til baka Mosfellsdal og heim. Voru um 27 km og tók rúman 1 tíma.

· miðvikudag 29.8 - Hjólatúr

Hjólað niður Skeiðholt og undirgöng niður að Langatanga, út með nesinu og upp með Korpu að Úlfarsfelli og með því heim. Voru um 13 km og tók rúmar 30 mín.

· sunnud 19.8 - Hjólatúr Mosó í Borgartún

Hjólað frá Mosó með Lágafelli og Úlfarsfelli, gegnum Grafarholt og inn með Rauðavatni og Breiðholtsbraut að Elliðaám. Hjólað niður með ánni, undir Ártúnsbrekku og inn Súðarvog, Vatnagarða og Sæbraut í Borgartún. Hjólaði ca. 25 km og tók ca. 2,5 tíma í góðu veðri. Sjá myndir undir Photos og Waterfalls

· föstud 3.8 - Fellsá og Strútsá Suðurdal

Keyrt inn að Sturluflöt í Suðurdal Fljótsdal og lagt þar. Gengið inn með Kelduá, síðan með Fellsá og loks inn Strútsgil að Strútsfossi. Farið síðan sömu leið til baka. Tók gangan rúma 2 tíma í góðu veðri. Sjá myndir undir Photos og Waterfalls

· þriðjud 31.7 - Geitafellsbjörg Hoffellsjökull

Keyrt inn að Húsbergi við Hoffellsjökul. Gengið þaðan eftir stig upp á Geitafellsbjörg og eftir þeim endilöngum inn að jökli. Farið þar niður í gil og gengið það til baka síðan aftur yfir háls til baka að bílnum. Tók gangan um 2,5 tíma í mjög góðu veðri. Sjá myndir undir Photos

· föstud 27.7 - Blikdalur

Keyrt inn að mynni Hvalfjarðar og inn á gamla malarveginn. Gengið inn í mynni Blikdals og farið aðeins niður fyrir að Blikdalsánni. Fylgdi síðan ánni inn dalinn, líklega farið inn 2/3 dalsins, sneri þá við og fór slóða til baka. Tók gangan um 4 tíma í allt of góðu veðri, hlýtt og mikið mý þegar innar dró. Sjá myndir undir Photos og Waterfalls

· sunnud 24.6 - Langagil (~500m) Hamarsfirði

Keyrt inn Hamarsfjörð að Einstigsfossi og lagt þar. Gengið upp með Langagili og Langagilsá, í átt að Mótungutind (~1100m). Hef farið í ca. 500m hæð. Fór síðan svipaða leið niður til baka. Tók gangan rúma 2 tíma í mjög góðu veðri. Sjá myndir undir Photos og Waterfalls

· sunnud 24.6 - Búlandsdalur

Keyrt inn Búlandsdal að göngubrú innarlega í dalnum. Gengið inn með Búlandsá og teknar myndir. Síðan til baka að bílnum. Tók gangan um 2 tíma. Sjá myndir undir Photos og Waterfalls

· sunnud 3.6 - Mosfell (276m)

Keyrt inn að Mosfellskirkju og lagt þar. Gengið beint upp en beygt fljótlega til vesturs og gengið suður fyrir fjallið að vesturhorni þess. Gengið þar á ská upp fjallið alla leið á topp. Fór síðan beint í austur og síðan í suður beint niður. Tók gangan um 1,5 tíma og voru 3,7 km í góðu veðri. Sjá myndir undir Photos

· mánud 14.5 - Place fell (657m), Lake district UK

Keyrt inn að Patterdale við Ullswater og tekin bátur þaðan til Howtown. Þar var gengið út fyrir Hallin fell, með ströndinni að Sandwick. Fórum þá milli fjallanna og inn dal að Beckside farm. Þar var beygt og tekin sneiðingur upp fjallið og síðan eftir því endilöngu á topp. Síðan niður í dal milli fjalla og sneiðingur til baka niður í Patterdale. Tók gangan tæpa 5 tíma í alltof góðu veðri, yfir 20 stig og nánast logn alla leið. Gaman að sjá hvað allt var vel merkt og slóðar allir greinilegir. Sjá myndir undir Photos.

· sunnud 22.4 - Lágafell (123m) Mosó

Gengið niður Skeiðholt að Varmá og yfir að Álafoss. Gengið gegnum skóginn að Reykjalundi og síðan með Reykjavegi að hestaslóða upp á Skarhólamýri að Lágafelli. Gengið eftir Svartaklett og síðan á báða toppa Lágafells, þá niður að kirkjunni og með fellinu niður að Olís og heim. Tók gangan tæpa 2 tíma í góðu veðri. Sjá myndir undir Photos

· sunnud 15.4 - Búrfell (179m) og Búrfellsgjá

Keyrt inn í Heiðmörk og lagt við austurenda Vífilsstaðahlíðar. Gengið þaðan stíg beint í austur að upplýsingaskilti um Búrfellsgjá upp á hæð. Farið niður í gjánna, komið fyrst að Gjárrétt, og fylgt síðan slóða inn búrfellsgjá, og upp á gíg Búrfells og síðan sömu leið til baka. Tók gangan um 2 tíma og hafa verið tæpir 8 km í mildu og röku veðri. Sjá myndir undir Photos

· skírdag 29.3 - Sandfell (415m) og Múli við Miðdal Kjós, FaF

Keyrt inn að suðurenda Eyrarfjalls og lagt þar, en vegurinn var full mjúkur svo ég fór að suðaustur enda fjallsins á móts við Eilífsdal. Gekk þar upp Múla og á topp Sandfells (415m) sem er aðeins lægri en Eyrarfjall. Gekk síðan niður Sandfell og gilið milli þess og Múla, fylgdi lækjarsprænu hluta leiðar, að bílnum aftur. Tók gangan um 2,5 tíma og var um 7 km. Gott útsýni til allra átta í fínu veðri. Sjá myndir undir Photos

· laugard 24.3 - Kaldakvísl

Gengið niður Skeiðholt og niður að göngubrú yfir Varmá. Beygt til norðurs að Kaldakvísl, farið yfir göngubrú og gengið upp með Kaldakvísl. Farið undir brú og yfir gömlu brúna á Kaldakvísl. Gengið upp að og meðfram Helgafelli niður að Álafoss, síðan undir Vesturlandsveg og upp í Kjarna og heim. Tók gangan um 1,5 tíma í góðu veðri. Sjá myndir undir Photos

· föstud 9.3 - Mosfell (276m)

Keyrt upp að Mosfellskirkju og lagt þar. Gengið beint upp í norður og síðan í vestur upp á topp. Farið síðan niður smám saman og í austur átt. Tók gangan tæpa 2 tíma og hefur verið um 3,7 km í björtu veðri en smá strekkingur á topp. Sjá myndir undir Photos

· laugard 3.3 - Fossárdalur, Skálafell (~320m)

Keyrt inn að Fossá og lagt á bílastæði við Sjávarfoss. Gengið gegnum skóginn upp á vegarslóða og fylgt honum með ánni upp á heiði. Fór í ca. 300 m hæð. Síðan sama leið til baka aftur. Gengið að Sjávarfossi og réttinni í lokin. Gott útsýni yfir fremur svalt en stillt og gott veður. Tók gangan um 2,5 tíma og var um 8,5 km. Sjá myndir undir Photos.

· laugard 24.2 - Varmá

Gengið niður Þverholt og niður að Leiruvog. Farið gegnum hesthúsahverfið og gengið upp með Varmá austur fyrir íþróttasvæði og undir Vesturlandsveg, gegnum Teiga og Krika hverfi og yfir gögnubrúna að Krónunni. Og aftur heim. Tók gangan um 1,5 tíma og voru um 6 km í góðu veðri en smá hálkublettir. Sjá myndir undir Photos

· miðvikud 31.1 til þriðjud 20.2 - Lífshlaupið

Ég tók þátt á Lífshlaupinu og ætlaði að ná yfir klukkutíma á dag að meðaltali. Það gekk ekki og er þetta lélegasti árangur frá upphafi. Ég gekk 11 daga af 21, og náði 815 mín. eða 13:35 sem gefa tæpar 40 mín á þessa 21 daga. Veðrið var svo sem ekki til að hrópa húrra fyrir, ýmist stórhríð eða úrhelli og nánast stöðugt rok, en einhvern veginn kláruðust bara dagarnir án þess að maður kæmist í göngu. Ég verð að gera betur á næsta ári.

· laugard 17.2 - Kaldakvísl

Hluti af lífshlaupi. Gengið niður Skeiðholt og gegnum Varmársvæði, yfir göngubrú þar og síðan yfir að Leirvogstungu. Gengið þaðan upp með Kaldakvísl, undir nýju brúna og yfir gömlu brúnna, upp að Helgafelli. Farið framhjá Álafossi og inn að Kjarna og síðan heim. Tók gangan rúma 2 tíma og hefur verið rúmir 8 km. Var sæmilegt veður, smá gjóla en bjart, frekar mikill snjór upp með Kaldakvísl og þungt að ganga á kafla. Sjá myndir undir Photos

· miðvikud 14.2 - fjöruganga

Hluti af Lífshlaupi. Gengið niður Skeiðholt og undirgöngin niður að fjörustíg, framhjá fuglaskoðunarhúsi og út að gólfskála, snúið við þar og gengið Álfatangi að mestu til baka. Tók gangan tæpa 2 tíma í sæmilegu veðri, smá gustur á leiðinni og smá frost. Sjá myndir undir Photos

· sunnud 28.1 - Mosfellsbær í Mjódd

Gengið úr Mosfellsbæ eftir Bogatanga og síðan undirgöng yfir að og með Úlfarsfelli. Gegnið framhjá Bauhaus og inn Grafarholt. farið Jónsgeisla yfir að gólfvelli, þaðan að moggahúsi, gegnum Árbæ og síðan Elliðaárdal að Höfðabakkabrú. Farið þar yfir og inn í Mjódd. Tók gangan um 3 tíma og var um 20 km, gott veður, um frostmark og frekar bjart, göngufæri gott en launhálka sums staðar, sérstaklega í Grafarholti. Sjá myndir undir Photos

· laugard 20.1 - Æsustaðafjall Mos (220m)

Keyrt inn Helgadal og farið vestan megin inn að bílastæði. Gengin stuttur spotti eftir veginum og siðan inn Gemlingagil og þá Vetrarmýri langleiðina á topp, vantaði nokkra metra hækkun upp á, en þar mætti mér stíf norðanátt á toppi fjallsins, svo ég sneri við. Var færið nokkuð gott, frekar mikill snjór á kafla, en greinilega flughált sums staðar undir snjónum. Tók gangan rúman klukkutíma í góðu veðri nema á toppi. Sjá myndir undir Photos

· laugard 13.1 - Kaldakvísl

Gengið heiman frá mér niður að hesthúsum, þaðan upp með Kaldakvísl og síðan gamlan veg upp að Helgafelli. Gengið niður að Álafoss og síðan undir brúna upp að Kjarna og heim. Tók gangan tæpa 2 tíma og hafa verið um 8 km í sæmilegu veðri, kom smá snjókoma og úði á leiðinni, nokkrar gráður í plús og frekar blautt að ganga. Sjá myndir undir Photos.