Gönguplan 2019

Þetta er ekki búið að vera gott gönguár.

Reyndar hef ég gengið nokkuð stöðugt allt árið, ca 1-2 göngur á viku, en megnið af þessu eru stuttar göngur, innan við 2 tíma. Gekk ekki nema á 6 fjöll frá 295 upp í 781 m, og oft ekki upp á topp, samtals tæpir 2.000m hæð. Það voru 3 langar göngur. Hef verið slæmur í löppinni eftir lengri göngur, prófaði að skipta um innlegg í gönguskónum en það lagaðist ekki alveg. Þarf að skoða það betur. Ég tók þátt í Lífshlaupinu og náði í fyrsta sinn að ganga alla 21 dagana. Þetta voru 1.380 mín samtals eða um 66 mín/dag, sem má teljast gott. Fór einnig nokkrar en of fáar hjólaferðir.

Ég þarf að bæta árangur minn í fjallgöngum á næsta ári. Ná alla vega 5 góðum fjallgöngum yfir sumarið. Ég mun halda áfram og reyna að fjölga göngum inn hina ýmsu dali og um hálindið, að leita að og skoða fossa, það er hlutur í því að bæta við Waterfalls á síðunni minni.

Árangur

· sunnud 24.11 - HelgafÁlafoss ganga

Gengið niður Skeiðholt og yfir göngubrú á Varmá, síðan upp og gegnum undirgöng yfir að Ásahverfi, gengið meðfram Vesturlandsvegi upp að Helgafelli og síðan gamla vegslóðan niður að Álafoss og gegnum undirgöngin að Kjarna. Tók gangan tæpan 1,5 tíma og var um 6,7 km. Sjá myndir undir Photos

· laugard 26.10 - Leiruvogur

Gengið niður Skeiðholt að hringtorgi, gegnum undirgöng og niður að Leiruvog og Fuglahúsi, gengið með golfvelli upp að gólfskála og síðan Álfahlíð, Álfatangi og Þverholt heim. Tók gangan tæpan 1,5 tíma og var um 7,8 km. Sjá myndir undir Photos

· laugard 12.10 - Sköflungur (419m)

Keyrð Nesjavallaleið og lagt fyrir neðan brekku. Gengið inn með fjallinu, síðan yfir smá skarð, við áberandi tind Sköflungs, þar sem var slóði yfir og gengin Folaldadalur til baka. Tók gangan tæpa 3 tíma og var um 11 km. Sjá myndir undir Photos

· sunnud 6.10 - Leirvogsvatn

Keyrt inn að Leirvogsvatni og lagt þar. Gengið kringum vatnið, vestur fyrir og suður, og upp á Illaklif. Niður fyrir austan og fylgt vatni en tók krók með ánni Bugðu að vegi, síðan með vegi upp á Mosfellsheiði og fylgdi henni til baka. Tók gangan um 2,5 tíma og var ca. 9,5 km. Sjá myndir undir Photos

· sunnud 15.9 - Lágafell

Gengið niður Skeiðholt og niður að og meðfram Varmá að undirgöngum yfir að Álafoss. Þar í gegnum garðinn upp með Varmá að Reykjalundi og síðan eftir Reykjaveg, þá hestaslóði upp á Lágafell og eftir því endilöngu yfir að Olís og heim. Tók gangan rúman 1,5 tíma og var ca. 9,5 km.

· fimmtud 5.9 - Lágafell

Gengið niður Skeiðholt og niður að og meðfram Varmá að undirgöngum yfir að Álafoss. Þar í gegnum garðinn og upp á Reykjaveg, síðan hestaslóði upp á Lágafell og eftir því endilöngu yfir að Olís og heim. Tók gangan tæpan 1,5 tíma og var ca. 6 km.

· 1.8 - Laugardalur

Aldís Snorradóttir listfræðingur og verkefnastjóri miðlunar hjá Listasafni Reykjavíkur, leiddi göngu um listaverkin í Laugardalnum. Lagt af stað frá Ásmundarsafni, gengið niður að Laugardalshöllinni og síðan gegnum Grasagarðinn og skoðuð listaverkin. Tók ganga um 1,5 tíma. Sjá mynd undir Photos

· 24.7 - Stardalur og Tröllafoss

Keyrt inn að Stardal og lagt þar. Gengið með Leirvogsá niður Stardal að Tröllafossi og teknar myndir, síðan til baka sömu leið. Tók gangan tæpa 2 tíma. Sjá myndir undir Photos

· 11.7 - Núpufellshnjúkur (781m)

Gengið frá bústað gegnum smá skóg og upp að klettabelti fyrir neðan Núpufellshnjúk, ca. 500 m hæð, líklega Hrísaklettar. Tók gangan tæpa 2 tíma. Sjá myndir undir Photos

· 3.7 - Hvalá og Drynjandi

Keyrt inn að göngubrú við Hvalá og stoppað þar, gengið inn með Hvalá og að Drynjanda og fl. fossum, farið til baka svipaða leið. Tók gangan um 6,5 tíma. Sjá myndir undir Photos

· 22.6 - Folaldadalir

Keyrð Nesjavallaleið og upp brekku, keyrt út Sköflung og lagt þar. Gengið smávegis og skoðað. Keyrt hinu megin inn í Folaldadal og lagt þar. Gengið eftir malarveg og niður í dal, líklega Hádalur og upp hinu megin, þar var útsýni yfir Þingvallavatn, fygldi síðan vegarslóða til baka aftur. Tók seinni gangan um 1 tíma. Sjá myndir undir Photos

· mánud 10.6 - Lambafell (549m)

Keyrt inn á Kjöl. Ætlaði inn að Hagavatni en vegurinn þangað var lokaður. Hélt þá áfram að brúnni við Hvítárvatn og Tangaver og lagði þar. Gengið á topp Lambafells og tekinn smá hringur á fellinu að skoða Hvítá og nágrenni. Farið til baka og inn á línuveg og síðan Haukadalsheiði að Geysi. Tók gangan á Lambafell um 1,5 tíma. Sjá myndir undir Photos

· sunnud 5.5 - Stórhóll (480m) Grímannsfelli

Keyrt inn að Bringum og lagt þar, gengin efri leið um Bringur, síðan yfir göngubrú og upp á Stórhól. Haldið áfram vestur niður brekku og suður fyrir Stórhól, niður í Leirdal, gengið síðan með Kaldakvísl til baka að brú og neðri leið að Helgufossi. Tók gangan um 3,5 tíma í góðu veðri. Sjá myndir undir Photos

· 30.4 - Bessastaðir örganga

Pílagrímsganga, keyrt inn að Bessastaðakirkju og byrjað á stuttri hugleiðingu. Gengið síðan af stað, fyrst að að Safnaðarheimili, smá stopp og kynning, og síðan að Hlíð veitingastað. Tók þetta um 1,5 tíma í góðum hóp. Sjá myndir undir Photos

· 27.4 - Fossá

Fór Nesjavallaleið. Stoppaði fyrst við Sköflung og tók nokkrar myndir. Stoppaði síðan við Nesjavelli og tók nokkrar myndir. Stoppaði að lokum við Úlfljótsvatn og lagði þar, gekk þar inn með hlíðinni að fossi í Fossá. Gekk inn með ánni inn dalinn og að Selflötum og síðan sömu leið til baka. Tók gangan um 2,5 tíma í góðu veðri. Sjá myndir undir Photos

· 25.4 - Elliðaárdalur

Ganga um Elliðaárdal á vegum FÍ. Fararstjóri var Ólafur Örn Haraldsson. Mætt var við Toppstöðina og gengið þaðan, tekin léttur hringur umhverfis dalinn. Tók gangan um 1 tíma og síðan bauð Vakandi upp á heita súpu. Vakandi eru samtök sem vilja stuðla að vitundarvakningu um sóun matvæla. Eftir súpuna gekk ég niður að ósum og tók nokkrar myndir. Sjá myndir undir Photos

· 22.4 - Stardalur

Keyrt inn að Stardal og lagt á stóru bílastæði þar. Gengið að norðan upp með Stardalsá þar til komið var að sléttlendi. Snúið þá við og áleiðis upp Stardalshnúk þá byrjaði að rigna og sneri þá til baka að bílnum. Tók gangan um 2 tíma í góðu veðri þar til skúrin kom. Sjá myndir undir Photos

· 18.4 - Grændalur Hveragerði

Keyrt inn að bílastæði við Reykjadal í Hveragerði og lagt þar. Byrjað að ganga inn Reykjadal en beygt fljótlega til hliðar inn Grændal. Gengin slóði meðfram girðingu og langleiðina inn Grændal, kom skúr sem stytti gönguna. Snúið síðan við og að bílnum. Tekin stutt ganga að fossum í Nóngili. Tók gangan um 2,5 tíma, var frekar blautur jarðvegur og lágskýjað. Sjá myndir undir Photos

· 6.4 - Nóngil

Keyrt inn að Dalsrétt í Helgadal og lagt þar. Gengið inn að fossi í Nóngili. Haldið síðan áfram upp Gemlingagil að Einbúa. Farin síðan svipuð leið til baka. Tók gangan um 2 tíma. Sjá myndir undir Photos

· 10.3 - Heiðmörk

Keyrt inn að bílastæði við Huldukletta í Heiðmörk og lagt þar. Gengið inn með Löngubrekkum, langur, beinn kafli. Farið síðan upp á Einihlíðar og gengið eftir þeim til baka. Varð einhvers konar hringur sem tók tæpa 2 tíma í góðu veðri. Sjá myndir undir Photos

· 23.2 - Kaldakvísl

Gengið niður Skeiðholt upp að skóla og yfir göngubrú á Varmá, gengið yfir að Kaldakvísl og upp með henni, yfir gömlu brúna og upp að Helgafelli, gengið síðan með Vesturlandsvegi, gegnum undirgöng og aftur yfir göngubrú á Varmá og heim. Tók gangan um 2 tíma. Sjá myndir undir Photos

· 16.2 - Helgafell

Gengið niður Skeiðholt og yfir göngubrú á Varmá, síðan upp og gegnum undirgöng yfir í Ásahverfi og upp að Helgafelli. Gengið meðfram því inn að Stekkjargili og Stekk í Skammadal, síðan niður á vegarslóða og inn að Álafossi, síðan að Kjarna og heim. Tók gangan um 2,5 tíma. Sjá myndir undir Photos

· 10.2 - Stardalur og Múli (347m)

Keyrt inn að Stardal og lagt við rimlahlið. Gengið þaðan í norður meðfram girðingu og síðan upp Múla, síðan niður gegnum skóginn og upp veginn að bílnum. Tók gangan tæpa 2 tíma í góðu veðri, en nokkuð þungt að ganga á köflum. Sjá myndir undir Photos

· 2.2 - Langitangi

Gengið niður Þverholt út að Langitanga og síðan til baka með Leiruvog, um undirgöng, upp að skóla og með Varmá, síðan upp að Kjarna og heim. Tók gangan um 1,5 tíma. Sjá myndir undir Photos

· 27.1 - Úlfarsfell (295m)

Keyrt að bílastæði við Skarhólamýri. Gengið þaðan á Úlfarsfell. Fyrst eftir slóða gegnum skóg, síðan upp brekku og þá aflíðandi hlíð upp fellið. Gengið að rótum tinds og snúið við þar svipaða leið til baka. Var mikill snjór og þung ganga. Tók gangan um 1,5 tíma. Sjá myndir undir Photos

· 20.1 - Kaldakvísl

Gengið niður Skeiðholt upp að skóla og yfir göngubrú á Varmá, gengið yfir að Kaldakvísl og upp með henni, yfir gömlu brúna að Helgafelli, siðan eftir gamla vegslóðanum inn í hverfið og niður að Álafoss, gegnum undirgöngin, upp að Kjarna og heim. Tók gangan tæpa 2 tíma. Sjá myndir undir Photos

· sunnud 13.1 - Blikdalur og fossar

Keyrt inn að vegaeftirliti skammt utan við Kjalarnes og farin þar smá slóði. Gengið að og síðan inn með Blikdalsá, farið yfir prílur á leiðinni. Farið áleiðis inn í dalinn og síðan með vegarslóða til baka. Var nokkuð svalt en stillt og gott veður. Tók gangan um 2 tíma. Sjá myndir undir Photos

· laugard 12.1 - ganga um Mosó

Gengið niður Skeiðholt og upp að Varmárskóla gegnum lóðina þar og út á slóða aftur fyrir gegnum undirgöng og að hesthúsum, þaðan upp á göngustíg og út að fuglahúsi við Leiruvog, síðan til baka upp Þverholt. Tók gangan um 1,5 tíma og var tæpir 7 km. Sjá myndir undir Photos